不要再煎難食牛扒

煎牛扒, 煎牛排
 

話說早兩三個星期係 super market 行過牛扒個 counter 時,聽到有個三十鬆啲歲左右(猜測)嘅小姐係到大大聲同佢隔離位女士講:「自己點整啲牛扒點貴都唔會好食㗎!唔及出面好食~」。當時我好想衝上前同佢講「小姐,睇你個款,你都係唔識煮飯㗎啦,不如上 HKCooking.com 啦!」正當我想踏前一步嘅時後,我記得我並冇寫過點煎牛扒,所以打消咗呢個念頭。就因為呢單嘢,我決定寫呢篇《煎牛扒》!

好,其實煎牛扒係一樣非常基本嘅嘢,你識煎牛扒的話,就自然識煎魚呀,豬呀果啲嘢。就好似之前講過蒸魚,識蒸魚就識蒸其他海鮮一樣。所以呢,朋友,學嘢啦喂!

牛扒實在太多種類,好難講晒,只能極簡單咁講一講。多數 super market 最 common 有美國,加拿大,英國,澳洲,紐西蘭,當然仲有日本。我相信平時買嚟煎嘅,多數都係美國多。最常見嘅級數有標準嘅Choice,最靚嘅Prime ,同最唔好食嘅 Select。大家成日聽到嘅 Angus, 其實係一個種 (breed),唔係級數,唔代表一定係 "Certified Angus Beef",記住唔好攪錯,買前問清楚。有興趣去 CertifiedAngusBeef.com 睇下。

加拿大嘅,除非你身在加拿大,唔係唔好買。以我經驗,佢地好少出口靚嘅肉。起碼我係香港食唔番以前溫哥華食開果種 Prime。

澳洲我靜係會食佢地嘅 Wagyu, 即係大家平時講嘅澳洲和牛。佢肥得嚟,都仲好有牛肉味,真係唔錯。今次呢塊都係。

日本除咗大家聽慣嘅和牛,其實仲有其他地方嘅牛,都係咁肥,但係唔係好識,所以唔講咁多,有興趣自己問 Google 啦。煮嘢啦喂!

Horizontal tabs