肉類 嘩！頂！好很快又第二個家常系列！肉餅呢家嘢冇人唔食，除非你唔食！超快攪掂嘅嘢，醃+蒸，半粒鐘乜都得（熟手咗之後）。 話時話，老實講，如果你 plan 每晚放工煮飯的話，見議你每晚洗完碗就好醃定第二晚嘅餸，咁你老公/老婆會早啲有飯食。唔好講咁多，開波！ 家常系列鹹蛋肉餅Horizontal tabs材料 鹹蛋一隻。 碎豬肉半斤夠兩個人食。記住唔好咁肥，係肉擋一 pack pack 果啲半肥瘦，我好"肯肯"定肥多過瘦，我多數會買多 pack 瘦嘅自己溝埋。 點整 又係先醃肉，豉油糖粉隨意落，再加少許胡椒粉，雞粉，及鹹蛋白。麻油落唔落你話事，我近排少落咗，因為俾人話我乜春都係果啲味。 加五分一背水（1/5 cup），用手攪。點解呢？用手先 feel 到啲肉綿唔綿。唔夠綿就要再加多少少水。 張啲肉鋪平係碟，大概 1cm 厚好了。再張鹹單黃用手㩒扁放係中間。 滾水，大火蒸八至十分鍾。 老老實實，其實你哋知唔知咩叫滾水，大火蒸？LOL 即係呢，落水去個鑊，大火煲滾啲水，keep 住大火，落碟嘢落去，冚蓋，繼續大火蒸咁解... 最後倒咗啲出咗嚟嘅水，落少少蒸魚豉油，再落少少蔥花整色整水！攪點吃得！
