今次勁勁，整喇沙。事原同個同事講開 lunch 食乜，定唔知乜嘢，總之就係話鍾意食喇沙啦，咁就手痕整下。呢單嘢比我想像中複雜，好似自製咖哩咁大鑊，淨係幾粒黃薑攪到周圍一撻撻黃色已經夠攞膽。所以呢，第一個 advice 就係預備條可以用完就掉得嘅毛巾。
至於我無啦啦點會識整喇沙呢？當然係Google！其實好多現成一包包開水加椰奶就得，但我份人一向都懶係勁勁果班，當然唔會咁求其！呢個（http://eastweek.my-magazine.me/index.php?aid=3761&highlight=喇沙%3A食譜）就啱晒我，而絕大部份嘢都係「參考」佢的，喜歡 original 睇佢都得。當然，我係有啲唔同啦。