家禽 是咁嘅，本身本大叔一向都唔係好鍾意炸嘢，係有次經過高人同事指教後，就炸上癮！由其是第一次炸雞後，我直頭自己係唔係傻撚咗，咁多年來做咩出街食埋啲咩韓式炸雞，咩 PHD 炸雞，簡直係消耗人生。 Anyway，講得再誇張都冇，睇吓呢張相你就知咩叫多汁！（by the way, McDonald 廣告啲出晒水嘅係假的） Ingredients: 鹽焗雞粉 Paprika 辣粉 鷹粟粉 雞鎚 鹽焗雞粉Paprika 辣粉鷹粟粉雞鎚Horizontal tabs材料 鹽焗雞粉，Paprika 辣粉，同鷹粟粉 當然仲有雞件。我就買呢隻雞鎚嘅 點整 其實成件事好簡單。先將啲雞清潔好，印乾水，拆一包鹽焗雞粉 再家兩茶匙 Paprika (可再多啲)，撈勻。 醃最少一個鐘。隔夜更好。 準備一個細 pot，大概 16 cm。落油，大概 4 cm 深。 中細火慢慢煮熱，你預座底都要等七八分鍾先夠熱。切記炸嘢唔可以心夾，要慢慢來，唔好貪快開大火，包你死硬 呢個時候，雞件上薄粉 呢個時候 check 油溫，擺隻筷子落去，起泡就差不多嘞 好，炸嘞。炸嘢成件事真係好簡單，落嘢個 pot, 久唔久轉下反下，夠時間錨起。。。 Anyway, our situation here, 呢個 size 嘅 pot, 我每次炸三件，炸 8 分鍾，記得久唔久轉下反下。 8 分鍾後，呢個時候，應該已經金黃色，勁靚仔。錨起，放一陣。緊記，緊記，唔好熄火錨，要 keep 住油熱！ 呢個時候，仲有其他嘅，就炸埋佢。 最後，每件要再炸多兩分鍾，令佢更加脆。就係咁就攪掂㗎啦！緊記，絕對唔好張個火校大校細。keep 住油溫，唔好太高溫，唔係彈到爆炸。去到最後，完成曬先可熄火。 登！登！登！登！超靚仔多汁炸雞上碟食得！
