海鮮 又易整，又惹味嘅海鮮，真係非呢味《辣炒老乾媽蟶子》莫屬！餸酒一L流。重要係咩呢？平呀嘛！炒蟶子要用細隻嘅，街市多數都係四五十蚊一斤。好，咩都唔好講，開波整啦喂！ Ingrediants： 蟶子：一斤 洋蔥：一個 老乾媽：兩大湯匙 紹酒：半個蓋 生抽：一茶匙 芫茜：optional for 裝飾 老乾媽老干媽蟶子Horizontal tabs材料 細 size 蟶子一斤，夠曬四個食。 原味老乾媽 洋蔥一個 點整 先洗蟶子。都幾 dirty 吓，過水起碼四次，然後鹽水浸大概半個鐘。 洋蔥切大楷 蟶子要出水，盡量多啲水，煲到有咁滾得咁滾 水大滾後，倒曬啲蟶子落去。因為蟶子仔超快熟，所以緊記，唔好超過一分鐘，最好三十秒好。就算啲水滾唔返起都唔好理，極速錨起，然後滰乾水。 中火消熱鑊，落油爆香洋蔥。唔洗太耐，有香味就夠。 跟手開大火，落蟶子。快手兜勻。然後落半個蓋紹酒，同一茶匙生抽再快手兜勻。記得成個過程都要快，分半鐘內好完成。 轉中火，落兩湯匙老乾媽兜勻就上得碟嘞！ 最後擺兩條芫茜扮 pro 就攪掂！
