家禽 呢個《蘋果炆鴨胸》嘅味大概似係點咗酸梅醬嘅燒鴨咁。炆得，當然個鴨胸唔係食法國餐咁嫩口嘅 texture，係會淋曬咁，同時唔會好似平時食燒鵝胸/燒鴨胸咁又韌又難食。 Ingrediants: 蘋果 - 兩大個 Thyme 百里香 - 10條 蒜頭 - 一個 洋蔥 - 一個 雞湯 - 1L Cranberry - 1/2杯 Vermouth - 1/2杯 鴨胸 - 兩大件 蘋果百里香鴨胸洋蔥蒜頭VermouthCranberryHorizontal tabs材料 兩大個蘋果。（紅蘋果煮出嚟啲顏色會靚啲，又甜啲） Thyme 百里香，多啲冇所為 蒜頭一個 洋蔥一個 雞湯 1L Cranberry, 買到新鮮嘅就新鮮啦，冇的話 frozen 都得。 Vermouth 150ml。係一種加咗唔同香料嘅葡萄酒嚟，甜甜哋。 當然，最後係鴨胸啦！兩大舊 點整 蘋果切大粒。大概1.5cm 洋蔥切粒 蒜頭拍扁去皮 鴨胸界網紋，大概 1 to 2mm 深 切好曬啲嘢就煮得嘞！首先準備個炆得嘢嘅大煲，如港女煲。中細火預熱，咩油都唔洗落，鴨胸皮果邊煎 around 6 分鐘。 煎到咁嘅效果就差不多嘞。鴨肉果邊唔洗理。 煎完啲油多到你唔信。用番啲鴨油，爆香洋蔥粒，然後再落蒜 蒜都爆香埋，轉大火，再落 Vermouth，keep 住滾收水至杰身 轉中火，落蘋果粒，跟手搣埋百里香啲葉兜勻煮大概 5分鐘 之後撥開啲蘋果，留啲位比兩舊鴨胸 落雞湯，夠遮到兩舊鴨就 OK。And then 落少少鹽同黑糊椒，試味。大火滾大概 10分鐘，然後冚蓋，轉中細火炆 1.5 到兩個鐘。期間記得 keep 住 check 夠唔夠水，唔夠就落啲滾水。 時間好快就過，炆好落埋啲 cranberries，滾 5 to 10分鐘至個汁杰身。 然後轉細火。係呢個時候又要試味。試吓個汁嘅味，我自己就鍾意添一啲，我會落啲 maple syrup 調一調佢。調好，息火。 最後一步，上火 220度 preheat 焗爐。 然後擺所有嘢落焗盆，鴨皮向上，淋少少 maple syrup，焗香。要望實，最多 5 to 10 min 好，唔係最後一步"癃"咗真係唔撚知好嬲定好笑。 焗香後，切件食得！
