好，先調個汁醃雞。搣晒 thyme 同 rosemary 啲葉，切碎。

加埋切碎咗嘅thyme 同 rosemary，入微波爐叮溶。Around 20 - 30秒到。

雞洗淨，抹乾水。記住記住！唔好一鳩切咗個屎忽，焗完唔靚得嚟仲流曬啲汁。仲有，多數啲雞都有條橡根繩，要留返佢。

Anyway，用頭先個汁內外搽勻，最最最少醃一個鐘。想多啲嘢食，可以切啲蘑菇，撈少少鹽，黑胡椒，蒜蓉由尾窿，塞入隻雞入面添。咁樣做，仲可以令隻雞保持水份。

好啦，條橡根繩做咩嘅呢？係搽勻啲汁後，綁返靚隻雞，同埋如有塞嘢入去，可以 make sure 啲嘢唔會流出嚟。個窿太大的話，可以攞牙籤吉住都得。

Preheat 焗爐 200°C，上下火。

35 分鐘後同朕 check 吓有無鮮紅色血水流出，有的話焗多 5 分鐘，冇的話上碟喫得！

擺咗上木板，成件事法國曬，真係招乎朋友都冇失禮呀喂！

有嘢講！大叔我建議最好前一晚醃定啲雞。唔只入味好多，成件事仲方便曬。諗吓放工返到屋企，係雪櫃攞出嚟攤到室溫，切好啲薯仔呀，瓜呀咁， 就焗得。

有嘢講！其實唔焗春雞都得，焗大雞都一樣咁整，係要焗足 90 to 100分鐘咁解。仲可以塞薯仔入隻雞因焗耐啲，薯仔夠時間變軟。