蔬菜 椰菜仔 (Brussels sprout) 本身已經係好重味嘅蔬菜。就算生食，咩汁都都其實好好食。為咗提升佢個味道，要用啲更重味嘅嘢，例如蝦醬，鹹魚呢類嘢，而今次我就揀咗鹹魚。 椰菜仔鹹魚Horizontal tabs材料 椰菜仔，係 The Fresh Supply 買，澳洲來嘅，超靚，超好味！用我 Coupon code: LOVEHKCOOKING0816，第一個 order 即減 $50! 鹹魚一小片。怕去街市買的話，超市有一樽樽油浸嘅。 美極，超重要，唔好 skip! 薑，手指公咁大舊就夠。 蒜幾粒。 點整 椰菜仔洗乾淨切開一半。 鹹魚切碎。 薑切絲。 蒜切片。 好，切完嘢就煮嘞。中火用 olive oil 先爆香薑絲。薑有香味時就落埋鹹魚，最後先落蒜片。 跟手轉中大火，落椰菜仔不斷炒至軟身，最後落十零廿滴美極炒多兩嘢就食得。其實都要炒幾耐下，可能要十分鐘或者更耐。真係想快啲，可以落少少水，不過我個人上就唔太 recommend，因為會無咁香口。 鹹魚炒椰菜仔
