菌類 呢樣嘢其實係我當年係溫哥華嘅日本小食店食過，有啲懷念，所以決定整吓。好味又簡單，煮完可以雪咗佢冬食仲正。 蘑菇basil羅勒Horizontal tabs材料 白蘑菇大概15個，蒜半個，basil (羅勒) 大概10片葉，同 whipping cream，須要嘅份量大概五湯匙。 白蘑菇嚟講，講真道道買都差唔多，不過又係果句，係 The Fresh Supply 買，我有 Coupon code: LOVEHKCOOKING0816，第一個 order 即減 $50! 而 Basil 呢，我就真係極力推介 The Fresh Supply 呢隻。真心超香，香過平時 CitySuper 果啲好多，而且係香港種嘅，我咁支持本地嘢，當然無得輸！ 點整 蘑菇一開四。 蒜切片。 Basil 切碎。 切完嘢就煮得嘞！中火，牛油加 olive oil 開鑊。 爆香蒜片。 轉中大火，落蘑菇係咁炒到蘑菇變軟身。記住唔好諗住落水快淋啲，蘑菇之後會出好多水㗎！ 軟身後轉細火，落大概五湯匙 cream 兜勻。喜歡的話可以落多啲無問題。 最後熄火，落埋啲 basil 兜勻，呢個時候啲 basil 味應該 "炳乒唪唪" 出曬嚟，香到震！ Basil 太熱會走咗啲香味，所以留最後熄火先落。 Anyway, 兜勻就上牒食得啦！
