肉類 燒豬仔骨最緊要係咩呢？係，當然要好味。。。跟我整嘢食本身就一定好味。咁仲有呢？冇錯！最緊要係咁淋，啲肉輕輕撩吓就甩出嚟就為知 per_fect！唔好講咁多，開波啦喂！ 豬仔骨BBQHorizontal tabs材料 靚嘅豬仔骨一排。食幾多煮幾多。 黑啤一鑵，steak dry rub（牛扒醃料），BBQ 醬同檸檬。 點整 200°C Preheat 焗爐。 先用錫紙整個兜。豬仔骨放係裡面，用 dry rub 搽滿兩面，落一個檸檬汁，然後倒大概半灌黑啤落去。 包好佢，焗兩個半鐘。盡量唔好留窿，等啲啤酒無咁易乾水。 兩個半鐘後攞出嚟，應該咩都淋晒。跟手兩面搽滿 BBQ 醬。 焗爐轉高火，打開佢焗多五到十分鐘等個面香。 切一條條就食得嘞！
