湯類 冬陰功冇人唔知咩嚟，所以廢話唔多講，開波啦喂！ 冬陰公冬陰工泰式Horizontal tabs材料 平價蝦一斤做湯底。 蘑菇十粒。 番茄三個 南薑一大舊！ 檸檬葉十塊。 乾蔥三粒。 芫茜一札。 香茅四支。 椰槳，其實大概 100ml 就夠。可用花奶，depends on 你口味。 冬陰功醬。一般東南亞雜貨鋪實搵到。另外，有日同朋友講開，佢話落啲魚露先似樣。 點整 大火落油炒香啲蝦。 炒到啲蝦變曬橙色，有啲啲焦香時，keep 住大火撞一大煲滾水。大火滾足佢15分鐘，之後轉中細火，煲多一個鐘。（唔夠水加水) 煲緊湯嘅時候，準備埋其他香料。首先香茅泊扁。 南薑切粒。 最後半個鐘落準備好嘅香茅，南薑，檸檬葉，芫茜一齊煲。 煲好隔渣。 湯煲番滾轉細火，落一湯匙落冬陰醬調味（唔夠味可在加，請自行判斷）。 最後落埋番茄，蘑菇，有靚蝦的話落幾隻，轉反中大火滾多十分鐘，熄火，落適量椰槳，攪勻就食得嘞！
