海鮮 話說早兩個禮拜有個唔多煮嘢嘅少婦朋友話整咗個無水海鮮鍋好正。大姐，冇水又點煮？開頭唔多信，直至到見佢 Facebook 幅相，真係比佢震驚到！決定跟佢整番個！嘩！頂！的確係掂，而且十分易做！真係唔 share 對唔住自己！ 蟹蝦花甲蜆Horizontal tabs材料 蟹一隻小於一斤。我呢隻係膏蟹，蟹膏滲曬落其他嘢道勁香。 游水蝦半斤。 貝殼類如花甲 and/or 蜆。（貝殼類會出較多水，所以不能缺） 當然你可以加入你喜歡嘅海鮮都得。 蔬菜如白蘿蔔一小個，冬瓜一份，娃娃菜一菓。其他如洋蔥，蒜，唐芹等。 又係嘞，你可以加入唔同嘅蔬菜。 點整 首先預備個大煲，然後逐樣配料一層層落。 先係白蘿蔔切片，放最底。 冬瓜切片放第二層。 洋蔥及蒜。（少婦朋友仲介紹落粉絲） 然後墊娃娃菜。 跟住就嚟海鮮。先放蝦係中間。 蟹放面。係，隻蟹要劏的。擦乾淨個殼及手腳，開蓋，除去鰓再劈開四份。食過大閘蟹實識點做啦！ 至於點整死佢。最人道嘅方法我覺得會係落花雕整醉佢，再放落冰格兩個鐘凍死佢。Otherwise, 由佢個咀桶把刀入去即死。 貝殼類放最面，無須調味，無須放水，冚蓋就煮得嘞！ 由得佢冚住蓋中火煮三十分鍾就完成。 到最後貝殼會打開曬。其實我太多嘢，差啲冚唔到蓋。最好少啲料或須要更大個煲！ 蟹膏香味滲曬出嚟超正！ 唔落水原來都有咁多湯。
