分享 蝦油可能對大家嚟講唔多熟識，基本上就係蝦嘅精華油。是咁的，小弟介紹得一定好嘢，有咗佢，無論煮西式嘢或亞洲人嘢都絕對出式。Pasta, pizza, 滴幾滴，香到人都癲，成單嘢唔同曬。Grill 冰鮮蝦，落幾滴，直頭以為自己食跟龍蝦。我平時會用佢嚟撈下沙律菜呀，青瓜絲咁添。講到咁勁，查實又唔係好難整嘅，不過就要花啲時間。嚟緊，我都會講多啲食譜用蝦油，整定啲無壞！ ＊嫌煩唔想自己整無問題，我幫你，大家好朋友，求其收你五六舊就算啦！哇哈哈哈哈哈哈 蝦Horizontal tabs材料 兩斤蝦，最平嘅死蝦就得。應該廿幾三十蚊一斤嘅唧。當然，你係係都要將你嘅要求放係不必要嘅地方的話，買游水花竹蝦係冇問題的！（夏天啲蝦的確係靚） 芥花籽油最少 1.5L。點解Canola呢，貪佢本身嘅味唔會好似 olive oil 唔重，盡量減少蓋過蝦味嘅可能。 點整 蝦洗乾淨。 然後蝦放上大焗盤，倒入大量油。 直到蓋過晒啲蝦就得嘞。 錫紙封面，篤八九個窿仔散蒸氣，用 200度火焗最少兩個半鐘。 ＊就算焗盤有蓋都絕對建議用錫紙。 做咩都要有個目標，今次個目標就係要用焗嘅方法，令蝦嘅水份完全逼走。 焗咗兩個鍾後，可打開 check 下，再衡量焗多幾耐。好似呢幅圖咁，仲見混濁，就要繼續，我就焗多咗 45 分鐘。 當見都啲油係完全清澈，就為之 perfect 池嘞！係呢個時候，攞咗出嚟，咩都唔好做，由得佢變涼。擺到座底唔滾先，唔係包你一撩就比啲油彈到 hihi。 先錨起啲蝦。 隔榨，攪掂！ 入樽之後慢慢用。
